Эдди Хирн Дана Уайтнинг ўз шаънига айтган сўзларига кескин жавоб қайтарди

Аввалроқ Уайт Хирн отаси учун ишлаётгани ва унинг жамоасидан фарқли ўлароқ, боксни ривожлантириш бўйича ўз қарашларига эга эмаслигини айтганди.

"Унинг сўзлари мени ҳайрон қолдирди - аслида, у Эдди Хирн отаси учун ишлаётганини айтди. Тўғрисини айтсам, бундай гаплар одатда одамнинг жаҳли чиқиб, издан чиққанда айтилади. Унинг бунчалик эрта асабийлашишини кутмаган эдим. У мени отамнинг қўлида ишлайди, деганда - ҳа, шундай деса ҳам бўлади. Аммо кўп йиллар давомида унинг "оталари" ака-ука Фертиттлар эди, энди эса унинг янги "отаси" Турки Ал аш-Шайх пайдо бўлди. Дана Уайт Турки Ал ал-Шайхнинг қўлида ишлайди. У компания ходими холос", - дея Хирннинг сўзларини келтиради Mirror.

Шунингдек, британиялик промоутер Дана Уайтнинг сўнгги шоуларини танқид қилиб, уларни ўртамиёна деб атади ва кўриш қобилияти йўқлиги ҳақидаги айбловларни рад этди.