27 апр 18:38
Янгиликлар
Бокс/ММА
Эдди Хирн нима учун Тайсон Фьюри билан промоутерлик шартномасини имзоламаганлигини айтди
Британиялик таниқли промоутер Эдди Хирн ўз вақтида Тайсон Фьюри билан шартнома имзоламаганидан афсусланади.
"Менда у билан шартнома имзолаш имконияти бор эди. Мен 2018 йили Монакода у билан келишишим мумкин эди. Лекин, ўша пайт менда у истаётган жангларни ташкил қилиш истаги бўлмаганди.
Нима учун? Мен ушбу жанглар ўзини оқламайди деб ўйлаганман. Рақиблар ҳам кучли эмасди. Лекин, ҳозир ўшанда у билан шартнома имзолаш лозим бўлганигини тушуниб турибман.
Мен ўшанда Тайсонга қараб ўйлагандим: "Ўзингга бир қара, сен рингга қайта олмайсан". Лекин Фьюри барчани ҳайратлантира олди ва хато қилганимни исботлади", - деди Хирн.
Эслатиб ўтамиз, айни пайтда Фьюрининг промоутери Фрэнк Уоррен ва Боб Арум ҳисобланади.
Ҳавола :
Манба : Sky Sports
Фикрлар