Элдор Шомуродов олимпиадага тайёргарлик ва олдинга қўйилган вазифалар борасида фикр билдириб ўтди

"Барибир бошқача ғурур билан Олимпиадада қатнашиш истаги бор эди. Биринчи навбатда ғурурландим. Машғулотлар ажойиб тарзда давом этмоқда, машғулотлар қизиқарли ўтмоқда, муҳит зўр. Айни вақтда кўпроқ жисмоний тайёргарлик бўйича ишламоқдамиз. 

Жамоага қўшилиб кетишда қийинчиликлар бўлмади, бу таркибнинг ярми билан терма жамоада бирга ҳаракат қилганмиз.

Вазифамиз — биринчи навбатда гуруҳдан чиқиш, ушбу вазифани амалга ошириб олганимиздан сўнг эса медаллар учун курашамиз.

Мухлисларга Олимпиадани кузатишларини ва бизни қўллаб-қувватлаб туришларини тилаб қоламан", - деб фикр билдирган терма жамоамиз сардори.