11 июл 08:23
Янгиликлар
Футбол
Элдор Шомуродов хайрлашув хатини ёзди
“Истанбул Башакшеҳир“ билан шартнома имзолаган Элдор Шомуродов ўзининг ижтимоий тармоқдаги саҳифасида “Рома“ билан хайрлашди.
“Раҳмат, Рома! Энди АС "Рома" билан хайрлашиш вақти келди — бу клуб менга унутилмас хотираларни, голларни, курашларни ва ажойиб жамоа, мураббийлар ҳамда мухлислар билан бўлган махсус лаҳзаларни берди.
"Рома" формасини кийиш мен учун шараф эди. Ҳар бир дақиқа, ҳар бир гол ва ҳар бир ўрганган сабоқ учун миннатдорман. "Рома" ҳар доим юрагимда қолади. Менга ишонч билдирганингиз ва доимо қўллаб-қувватлаганингиз учун ташаккур.
Янги саҳифа очилмоқда, лекин бу хотиралар мен билан бир умр қолади. Ҳурмат ва муҳаббат билан, Элдор Шомуродов!" дейилади хайрлашув мактубида.
Маълумот учун, Элдор Шомуродов “Рома“ сафида 85 та учрашувда майдонга тушган. Унинг ҳисобида 13 та гол ва 11 та голли узатма бор.
Ҳавола :
Фикрлар