Елена Остапенко юришини бошлади

Латвиялик теннис маликаси рейтингда ўзидан роппа-роса 10 поғона пастда бораётган руминиялик Патриция Мария Тигга қарши кортга чиқди ва икки сетда ҳам бир хил ҳисобда ғалаба қозонди - 6/3, 6/3.

Елена 1 соату 19 дақиқа давом этган баҳс мобайнида 3 та, Мария эса 5 та эйс зарбасини йўллади. Бу теннисчиларнинг ўзаро ўтказган илк учрашуви эди. Остапенконинг Дубайдаги иккинчи рақибаси чехиялик Барбора Крейчикова бўлади.