20 апр 12:56
Янгиликлар

Теннис

Елена Рибакина Штутгартда муваффақиятли старт олди

Германиянинг Штутгарт шаҳрида теннис бўйича нуфузли WTA турнири бўлиб ўтмоқда.

Сайёрамизнинг еттинчи рақамли теннис маликаси Елена Рибакина ушбу мусобақадаги иштирокини ғалаба билан бошлаб олди. Қозоғистонлик теннисчи WTA рейтингида 65-ўринни эгаллаб турган Юля Нимайерни 7/5, 6/3 ҳисобларида мағлубиятга учратди.

Тўқсон дақиқа давом этган баҳсда Рибакина 9, Нимайер эса 2 та эйс зарбасини амалга оширган. Бу теннисчиларнинг ўзаро ўтказган илк учрашуви эди. Энди Елена кейинги даврада бразилиялик Беатрис Хаддад-Майяга қарши кортга чиқади.