18 май 18:34
Янгиликлар
Теннис
Елена Рибакина WТА рейтингининг Топ-5 талигида дебют қилади
Қозоғистонлик теннисчиси Елена Рибакина Римда (Италия) ўтказилаётган "Мастерс" туркумидаги турнирнинг ярим финалига чиққани эвазига WТА рейтингининг кучли бешлигида дебют қилади.
Рибакина польшалик Ига Свёнтек чорак финал учрашувини давом эттиришдан бош тортгани учун турнирнинг 1/2 финалига йўл олганди.
Шу тариқа, қозоғистонлик теннисчи жаҳон рейтингининг кучли бешлигидан ўз ўрнини кафолатлади. Рибакина ярим финал ёки финалда мағлуб бўлса ҳам дунёнинг бешинчи ракеткасига айланади, ғалаба қозонса, рейтингнинг тўртинчи поғонасидан жой олади. Айни пайтда у WТА рейтингининг 6-поғонасидан ўрин олган.
Эслатиб ўтамиз, рейтингда Рибакинанинг ўтган йилги "Уимблдон"даги ғалабаси учун олган очколари ҳисобга олинмаган. Римдаги турнирнинг ярим финалида Рибакина латвиялик спортчи Елена Остапенко билан куч синашади.
Ҳавола :
Манба : championat.com
Фикрлар