Элизе Мертенс Dubai Duty Free иккинчи даврасига чиқди

Сайёрамизнинг 18-ракеткаси бўлиб турган Элизе Мертенс Dubai Duty Free Tennis Championships мусобақасидаги иштирокини ғалаба билан бошлади. Бельгиялик теннис маликаси асосий тўрнинг илк даврасида болгариялик Виктория Томовани уч сетда мағлуб этди - 4/6, 6/2, 6/4.

Учрашув 2 соату 34 дақиқа давом этган. Бу теннисчиларнинг ўзаро илк тўқнашуви эди. Элизе 2 та эйс зарбаси йўллаб, 8 та брейкни амалга оширди. Рейтингнинг 140-поғонасидан жой олган Томовада эса эйслар сони нолга тенг бўлди. Энди Элизе иккинчи босқичда америкалик Шелби Рожерсга қарши кортга чиқади.