Элнур Абдураимов жангига оид кутилмаган хабар + ФОТО

"Мир Бокса" промоутерлик компанияси мижози бўлган Элнур Абдураимов (10-0, 9 КО) Мексиканинг Мехикали шаҳрида ташкил этилган бокс оқшомида мезбонлар вакили Кристиан Бьелмага қарши рингга кўтарилиши лозим эди.

Афсуски, жангга бир неча соат қолган бир пайтда мексикалик чарм қўлқоп устаси жароҳат олгани маълум бўлди ва бунинг натижасида баҳс бекор қилинди. Кристиан фаолияти давомида 19 ғалаба (7 нокаут), 4 мағлубият, 2 дуранг натижа қайд этганди.  

"Ассалому алайкум, азиз юртдошлар! Жангимга оз вақт қолганида, рақибим жароҳат олгани туфайли жангим қолдирилди. Нима бўлса ҳам ўз сабаби бор. Барчаси Аллоҳимнинг изни биландир. Алҳамдулиллаҳ, қўллаб-қувватлаганингиз учун барчангизга раҳмат. Ин Ша Аллоҳ кейинги жангимда сизларни қувонтираман", - дея вазиятга изоҳ берди Абдураимов.