Элшод Расулов Олимпиада олдидан: "Боксчи қизларимизда медаль учун имкониятлар яхши"

"Токио Олимпиадасидан сўнг қизларимиз билан 4 та лицензия қўлга кирита олдик. Бунинг замирида катта меҳнат турибди. Қизлар боксини ривожлантириш учун Ўзбекистон бокс федерацияси томонидан муносиб шароитлар яратиб берилди. Қизларимиз эса бу шароитлардан унумли фойдаланишди. 

Бизда -75 кг вазн тоифасидаги қизимизда ҳам (Азиза Зокирова назарда тутилмоқда - А.Т) лицензия қўлга киритиш имконияти бор эди. Аммо маълум сабабларга кўра у ҳал қилувчи баҳсда мағлубиятга учради. Кейинги мусобақаларда қолган қизларимиз ҳам камчиликларни бартараф этиб, керакли натижаларга эришишади деб ўйлайман. 

-Лицензия бўйича рекордлар албатта яхши. Бироқ, Олимпиадада ҳам медалларни кўзлаган бўлсангиз керак...

-Албатта Олимпиададан ниятимиз катта. 4 нафар лицензия бўлса ҳам, бизда сон эмас, сифат яхши. Барча қизларимизда имкониятларимиз яхши.