Элшод Расуловни табриклаймиз!

Элшод Расулов 1986 йил Фарғона вилоятининг Қўқон шаҳрида таваллуд топган. Кўп йиллар бокс терма жамоамиз шарафини муносиб ҳимоя қилган қаҳрамонимиз аввалига қиличбозлик спорт тури билан профессионал тарзда шуғулланган. Бироқ, бокс уни ўзига оҳанграбодек тортган. 2004 йилда ёшлар ўртасида жаҳон чемпиони, 2006 йил ҳарбийлар ўртасидаги жаҳон биринчилиги ғолиби, икки карра Осиё чемпиони, икки карра Осиё ўйинлари олтин медал соҳиби, уч карра жаҳон чемпионати совриндори каби ютуқларга эришган, боксчилик фаолиятида уч марта олимпия ўйинларида иштирок этган. 2012 йил Лондон олимпиадасида Ўзбекистон делегацияси байроқдори бўлган Расулов "Меҳнат шуҳрати" ордени, "Ўзбекистонда хизмат кўрсатган спортчи" унвони билан тақдирланган.

Бугунги кунда аёллар бокс терма жамоамиз мураббийлар штабида фаолият олиб бораётган фахримиз 34 ёшни қарши олмоқда. Фурсатдан фойдаланиб  сайтимиз ходимлари ва мухлислари номидан Элшод Расуловни туғилган куни билан муборакбод этамиз. Унга метиндек мустаҳкам соғлик, оилавий бахт ҳамроҳ бўлсин деймиз. Ўзи эришмаган олимпиада шоҳсупаси шогирдларига насиб қилишига тилакдошмиз!

Сарвиноз Рахмонқулова