Емельяненко 13 октябрь куни Нью-Йоркда финал учун жанг қилади

Емельяненко нуфузи жиҳатидан UFCдан кейинги ўринда турувчи Bellator ташкилоти томонидан ўтказилаётган ушбу Гран-при турнирининг ярим финалида америкалик Чейл Сонненга қарши баҳс олиб боради. 

Оғир вазнлилар жангига 15 000 томошабинга мўлжалланган “Нассау Колизеум” аренаси мезбонлик қилади. Турнирнинг расмий номи – Bellator 2086 Fedor vs. Sonnen.

Ўн саккиз йилдан бери аралаш қоидалар жангида иштирок этиб келаётган 41 ёшли Фёдор учун бу фаолиятидаги 43-жанг бўлади. “Сўнгги император” номи остида жанг ўтказадиган Емельяненко 43та жангидан 37тасида ғалаба қозонган. 

Сонненнинг бўйи - 185, Фёдорники эса - 183 см, Емельяненконинг вазни - 108,1, Чейлники эса - 100,6 кг. 

Bellator Гран-присининг иккинчи ярим финал жангида эса Райан Бейдер ва Мэтт Митрион ўзаро тўқнаш келишади. Бу жанг 12 октябрь куни Анкасвилл шаҳрида бўлиб ўтади.