Эмма Радуканунинг 1/2 финалдаги рақибаси маълум

Дунёнинг 19-ракеткаси бўлиб турган Елена Остапенко ярим финал иштирокчисига айланди. Латвиялик теннис маликаси 75 дақиқа давом этган чорак финал учрашувида WTA  рейтингида 186-поғонадан жой олган андорралик Виктория Хименес-Касинцевани 6/2, 6/1 ҳисобида енгди. 

Бу теннисчиларнинг ўзаро илк учрашуви сифатида тарихга кирди. Остапенко 2 та эйс, 6 та қўшхато ва шунча брейкни амалга оширди. Энди у финал йўлланмаси учун британиялик теннис маликаси Эмма Радукануга қарши кортга чиқади.