21 мар 07:21
Янгиликлар

Бокс/ММА

Энди Руис - Энтони Жошуа. Трилогия бўлади

Мексикалик собиқ жаҳон чемпиони Энди Руис яна бир бор британиялик Энтони Жошуага қарши рингга кўтарилиши мумкин.

Бунинг учун у саралаш жангида Чарльз Мартинни мағлубиятга учратиши талаб этилади. IBF тез орада супероғир вазнда ушбу саралаш жанги ўтказилишини эълон қилади. Чарльз Мартин (28-2-1, 25 КО) ва Энди Руиз (33-2, 22 КО) жанги ғолиби Жошуанинг IBF камарига расмий даъвогарга айланади.

Ушбу саралаш жангининг куз ойларида ўтказилиши режалаштирилмоқда. 33 ёшли Мартин ўзининг сўнгги жангида Жеральд Вашингтонни муддатидан аввал мағлубиятга учратди ва IBF рейтингида иккинчи ўринга кўтарилиб олди. Энди Руис эса ўтган йилнинг декабрь ойида айнан Энтони Жошуага реванш жангида ютқазиб қўйганди.