"Энг муҳими - одамларнинг кўзида қувонч кўриш". Маҳмуд Мурадовдан яна бир хайрли иш

Спортчимиз куни кеча Самарқанда яна бир хайрли ишга қўл урди. Мурадов бу ҳақда Инстаграм саҳифаси орқали хабар берди ва тегишли суратни илова қилди.

"Бугун биз вақт топиб ёрдамга муҳтож оилаларга ёрдам қўлини чўзиш учун Самарқандга ташриф буюрдик. Оилаларни зарур дори-дармонлар билан таъминладик. Энг муҳими, бу - одамларнинг кўзларида қувончни кўриш ва мен нафақат моддий, балки маънавий жиҳатдан ҳам ёрдам беришдан жуда хурсанд бўлдим. Энди биз Самарқандга тез-тез келиб турамиз ва бу болаларнинг тезроқ соғайиб кетиши учун қўллаб-қувватлаймиз", - дея ёзади Маҳмуд Мурадов.