11 май 20:31
Янгиликлар

Оғир атлетика

Енгил атлетикадан оғир атлетикага ўтган спортчимиз Осиё чемпионатида совриндор бўлди

Жанубий Кореяда оғир атлетика бўйича катталар ўртасида Осиё чемпионати давом этмоқда.

Жинжу шаҳри мезбонлик қилаётган чемпионатнинг аёллар ўртасидаги -87 кг вазнгача ўтказилган мусобақада юртимиз шарафини муносиб ҳимоя қилган спортчимиз Ригина Адашбаева кумуш ва бронза медалларга эга чиқди.

Даст кўтаришда 103 кг билан кумуш медалга эга чиққан ҳамюртимиз, силтаб кўтаришда 127кг натижа кўрсатди ва бунинг эвазига иккикурашда 230 кг билан бронза медали соҳибасига айланди.

Маълумот учун, Ригина 2021 йилнинг сентябрь ойида енгил атлетикадан оғир атлетикага ўтган.

Ана шу қисқа вақт ичида у икки маротаба Осиё чемпионатида, шунингдек Ислом бирдамлик ўйинларида совриндорлар қаторидан ўрин олди.