Енгилмас Мовсар Евлоевнинг рақиби тасдиқланди – жанг 5 раундга мўлжалланган!

У 26 июль куни БАА пойтахти Абу-Даби шаҳрида ўтказиладиган UFC on ABC 9 турнири доирасида UFC дебютанти Аарон Пикога қарши октагонга кўтарилади. Ярименгил вазн тоифаси вакиллари ўртасидаги ушбу тўқнашув беш раунддан иборат бўлиб, турнирнинг co-main event жангига айланади. Мовсар ғалаба қозонган тақдирда, ярименгил вазн чемпионлик камари учун даъвогар айланиши мумкин.  

Маълумот учун, 31 ёшли Мовсар Евлоев ўтган йилнинг декабрь ойида UFC`даги кетма-кет тўққизинчи ғалабасини қўлга киритганди. Ўшанда у Алжамэйн Стерлингни очколар ҳисобига кўра мағлубиятга учратганди. 28 ёшли Аарон Пико эса учта ғалабали серия билан келмоқда. Охирги жангини ўтган йилнинг февраль ойида PFL ва Bellator лигаларининг қўшма турнирида Генри Корралесга қарши ўтказиб, рақибидан техник нокаут эвазига устун келганди.