03 ноя 08:46
Янгиликлар

Бокс/ММА

Энтони Жошуа Александр Усик билан машғулот ўтказади

The Ring хабарига кўра, британиялик оғир вазнли собиқ жаҳон чемпиони Энтони Жошуа Испанияга келади.

Айнан Пириней ярим оролида у супероғир вазн тоифасида амалдаги мутлақ жаҳон чемпиони Александр Усик билан бирга машғулот ўтказишни режалаштирмоқда.

Эслатиб ўтамиз, Усик 2021 йилнинг сентябрида Буюк Британияда Жошуани очколар бўйича мағлуб этиб, ундан учта чемпионлик камарини тортиб олганди. 2022 йил август ойида улар Саудия Арабистонида реванш жангини ўтказишди ва яна украиналик боксчи ғалаба қозонди.

Энтони ўзининг сўнгги жангида ҳамюрти Даниэл Дюбуага нокаут эвазига ютқазди. Ҳозирда 36 ёшли Жошуа рингга қайтиш ҳақида ўйламоқда. Унинг 2026 йилнинг бошида жанг ўтказиши кутилмоқда. Эҳтимолий рақиб - англиялик Фабио Уордли.