Энтони Жошуа - Тайсон Фьюри жанги қаерда ва қачон ўтказилиши айтилди

IBF, WBA, WBO ва IBO йўналишларида собиқ чемпион Энтони Жошуа ватандоши, WBC, WBO, IBO, WBA Super, The Ring, IBF камарларининг собиқ эгаси Тайсон Фьюрига қарши 20 ноябрь куни Нью-Йоркдаги муҳташам "Мэдисон Сквер Гарден" аренада рингга кўтарилади. Бу ҳақда Британиянинг машҳур Daily Mail нашри хабар берди.

Маълумот учун, Жошуа 2013 йилдан буён профессионал даражада рингга чиқиб келмоқда. Унинг ҳисобида 29 та ғалаба (шундан 26 таси муддатидан аввал) ва 4 та мағлубият бор. Январь ойи бошида Энтонининг амакиси жияни боксчи сифатидаги фаолиятини якунлаганини маълум қилганди.

Тайсон Фьюри эса 37 ёшда. Британиялик боксчи профессионал фаолияти давомида 34 та ғалаба (шундан 24 таси нокаут билан), 2 та мағлубият қайд этган, яна бир жанг эса дуранг билан якунланган.