Эркин кураш бўйича Эрон лига чемпионати қолдирилди

Ушбу мусобақа шу кунларда старт олиши керак эди. Бунга мамлакатдаги коронавирус билан боғлиқ эпидемиологик мураккаб вазият сабаб бўлди. Айнан Эрон Ислом Республикаси Хитойдан сўнг коронавирус авж олган иккинчи мамлакатга айланган эди.  

Мамлакатда вазият жиддий бўлиб, ҳар куни икки юз нафардан зиёд киши касаллик қурбонига айланмоқда. Пандемия спорт кураши вакиллари, спортчилар, мураббийлар, уларнинг оила аъзоларини ҳам четлаб ўтмаяпти.  

Эрон лига чемпионатида қатнашиш учун етти жамоа шакллантирилганди. Бу жамоалар таркибида Озарбайжон ва Грузиядан келган легионерлар ҳам бор эди. Бу мусобақа Эрон клублар чемпионати ҳам деб юритилади. Чемпионат вазият юмшашига қараб август ойининг охирларида ўтказилиши мумкин.