UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

21 апр 17:45
Янгиликлар

Спорт курашлари

Нодиржон Сафаров: "Осиёда эркин кураш ривожланиб боряпти"

Қозоғистоннинг Олма-Ота шаҳрида спорт курашлари бўйича катталар ўртасидаги Осиё чемпионати бўлиб ўтди.

Биз учун аҳамиятлиси, эркин кураш бўйича Осиё чемпионатининг илк куниёқ икки нафар спортчимиз ғолиб ва совриндорлар сафидан жой олди. Саралаш баҳсларидан сўнг уч нафар курашчимизнинг кечки дастурда медаллар учун гиламга чиқиши ойдинлашганди. 

70 кг вазн тоифасида юртимиз шарафини ҳимоя қилган Сирожиддин Ҳасанов финалда олтин медаль учун курашди ва афсуски, қозоғистонлик Сирбаз Талгатга 2-6 ҳисобида имкониятни бой берди. 

57 кг вазндаги курашчимиз Нодиржон Сафаров бронза медали учун бўлиб ўтган учрашувда фаланстинлик Али Абурумайлани 12-2 ҳисобида мағлубиятга учратди. Терма жамоамизнинг 65 кг вазн тоифасидаги вакили Нодир Раҳимов эса бронза медали учун беллашувда эронлик Мортеза Гиаси Чекага ютқазди. 

Биз Осиё чемпионатидан қайтиб келган терма жамоамиз аъзоси Нодиржон Сафаровдан интервью олдик.


- Нодиржон, Осиё чемпионатининг ҳар қандай медали ҳам қадрли ҳисобланади. Суҳбатимиз аввалида таассуротларингиз билан ўртоқлашсангиз.

- Биз терма жамоамиз билан биргаликда бу мусобақага уч ой давомида тайёргарлик кўргандик. Мураббийларимиз билан бирга ўқув-машғулот йиғинлари давомида рақибларни ҳам жиддий тарзда ўргангандик. Энди ҳар доим ҳам ўйлаган режаларингиз амалга ошавермайди. Ҳеч ким мусобақага ютқазаман деб келмайди. Бу сафар бронза бўлиб қолди. Кейинги мусобақаларимизда олтин медаль учун ҳаракат қиламиз. 

- Бу галги Осиё чемпионати савия жиҳатидан аввалгиларидан фарқ қилдими? 

- Албатта. Кутилмаган натижалари билан ҳам бу галги Осиё чемпионати аввалгиларидан фарқ қилди. Масалан, мен бронза медали учун беллашувда фаластинлик рақиб билан курашдим. Бу давлат вакилларининг шунчаки мусобақаларга келиши катта натижа ҳисобланарди. Ҳозир улар медаллар учун курашишяпти. Фаворит ҳисобланган курашчилар ютқазиб қўйишди. Эркин кураш Осиёнинг деярли барча давлатларида ривожланиб боряпти. 

- Энди режалар қандай? Қайси мусобақаларда иштирок этасизлар?

- Олдинда жаҳон чемпионати бор. Йилнинг энг нуфузли мусобақасига тайёргарлик кўрамиз. Шунингдек, Ўзбекистон кубоги ҳам бор. Халқаро мусобақалар ҳамда ўқув-машғулот йиғинларида ҳам иштирок этамиз.   

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг