07 фев 09:33
Янгиликлар

Спорт курашлари

Эркин курашчиларимиз Анқарага йўл олишди

Бугун тонг саҳарда эркин кураш бўйича Ўзбекистон терма жамоаси делегацияси халқаро ўқув-машғулот йиғинида иштирок этиш мақсадида Туркиянинг Анқара шаҳрига жўнаб кетди.

Олимжон Ҳикматов, Абдурауф Бозорбоев, Арсен Аҳмедов мураббийлигидаги курашчиларимиз икки ҳафта давомида Туркия пойтахтида кунига икки маҳалдан машғулот ўтказишади. Таркибдан Рио Олимпиадаси совриндорлари - Ихтиёр Наврўзов, Магомед Ибрагимов, жаҳон чемпионати совриндори Бекзод Абдурҳамонов сингари таниқли эркин курашчиларимиз бор.

Ушбу йиғин март ойида Украинанинг Киев шаҳрида ўтказиладиган халқаро турнирга тайёргарлик вазифасини ўтаб беради.

ДЕЛЕГАЦИЯМИЗ ТАРКИБИ:

Мураббийлар

Олимжон Ҳикматов
Абдурауф Бозорбоев
Латиф Халимов
Арсен Аҳмедов

Курашчилар

-57 кг: Маҳмуд Шавкатов, Ғуломжон Абдуллаев

-61 кг: Умиджон Жалолов

-65 кг: Ильяс Бекбулатов

-74 кг: Ихтиёр Наврўзов, Бекзод Абдураҳмонов, Мирзо Ҳайитов

-86 кг: Жавраил Шапиев

-97 кг: Магомед Ибрагимов

125 кг: Махсуд Вейсалов

Шифокор - Улуғбек Тўрабоев