30 янв 16:16
Янгиликлар

Спорт курашлари

Эркин курашчиларимиз Дукентда йиғин ўтказишади

Эркин кураш бўйича Ўзбекистон катталар терма жамоаси 1 февралдан Тошкент вилоятининг тоғли Дукент шаҳарчасида ўқув-машғулот йиғинига киришади.

Трема жамоа бош мураббийи Олим Ҳикматов ушбу йиғинга 26 нафар курашчини таклиф этган. Асосий таркиб билан бирга Ўзбекистон чемпионатида совриндорлар сафидан жой олган курашчилар кунига икки маҳалдан ташкил этиладиган машғулотларда қатнашишади.

Пойтахт вилоятидаги йиғин 23 февралга қадар давом этади. Ушбу машғулотлар 24-27 февраль кунлари Туркиянинг Истанбул шаҳрида ўтказиладиган рейтинг турнирига тайёргарлик вазифасини ўтаб беради.