10 мар 21:25
Янгиликлар

Спорт курашлари

Эркин курашчиларимиз "Янгиобод"да машғулот ўтказишяпти ФОТОРЕПОРТАЖ

Олим Ҳикматов, Абдурауф Бозорбоев мураббийлигидаги эркин кураш бўйича Ўзбекистон терма жамоаси Тошкент вилоятининг Ангрен шаҳарчасида жойлашган "Янгиобод" базасида ўқув-машғулот йиғини ўтказяпти.

Ушбу йиғин 20 мартга қадар давом этиб, 9-11 апрель кунлари Қозоғистоннинг Алмати шаҳрида ўтказиладиган Токио Олимпиадаси учун Осиё лицензион турнирига тайёргарлик босқич вазифасини ўтаб бермоқда. Кунига икки маҳалдан ўтказилаётган машғулотларда терма жамоамизнинг яқинда Украинадаги халқаро турнирда қатнашган таркиби иштирок этишяпти.

Машғулотларда асосий эътибор кросс-югуриш, жисмоний тайёргарлик, тренажёр залида ишлаш ҳамда спаррингларга қаратилмоқда. Токио Олимпиадасига йўлланмаларни тақдим этувчи сўнгги лицензион мусобақа эса 6-9 май кунлари Болгария пойтахти София шаҳрида ўтказилади. Жаҳон лицензион турнирида барча қитъа курашчилари сўнгги имкониятдан фойдаланади.