06 дек 07:34
Янгиликлар

Спорт курашлари

Эркин курашчиларимиз "Янгиобод"да йиғин ўтказади

Эркин кураш бўйича Ўзбекистон катталар терма жамоаси Тошкент вилоятининг Ангрен шаҳрида жойлашган "Янгиобод" спорт базасида ўқув-машғулот йиғини ўтказади.

11-24 декабрь кунлари оралиғида ўтказиладиган ушбу ўқув-машғулот йиғини Ўзбекистон Республикаси Президентининг 2017 йил 9 мартдаги "Ўзбекистон спортчиларини 2020 йил Токио шаҳри (Япония)да бўлиб ўтадиган XXXII ёзги Олимпия ва XVI Паралимпия ўйинларига тайёрлаш тўғрисида"ги ПҚ-2821-cон қарори ижросини таъминлаш мақсадида ташкил этилади.

"Янгиобод"даги машғулотларда Олим Ҳикматов, Абдурауф Бозорбоев, Дилшод Исмоилов мураббийлигидаги 20 нафар курашчиларимиз қатнашади.