11 фев 07:20
Янгиликлар

Спорт курашлари

Эркин курашчиларимизнинг Дукентдаги машғулоти давом этмоқда + ФОТО

Шу кунларда эркин кураш бўйича Ўзбекистон катталар терма жамоаси Тошкент вилоятининг тоғли Дукент шаҳарчасида ўқув-машғулот йиғинини ўтказяпти.

Терма жамоа бош мураббийи Олим Ҳикматов ушбу йиғинга 26 нафар курашчини таклиф этган. Асосий таркиб билан бирга Ўзбекистон чемпионатида совриндорлар сафидан жой олган курашчилар кунига икки маҳалдан ташкил этилаётган машғулотларда қатнашишяпти.

Пойтахт вилоятидаги йиғин 23 февралга қадар давом этади. Ушбу машғулотлар 24-27 февраль кунлари Туркиянинг Истанбул шаҳрида ўтказиладиган рейтинг турнирига тайёргарлик вазифасини ўтаб беради.