15 дек 10:14
Янгиликлар

Спорт курашлари

Эркин курашчиларимизнинг "Янгиобод"даги машғулоти давом этади ФОТОРЕПОРТАЖ

Шу кунларда Олим Ҳикматов, Абдурауф Бозорбоев мураббийлигидаги эркин курашчиларимиз Тошкент вилоятининг Ангрен шаҳарчасида жойлашган "Янгиобод" базасида ўқув-машғулот йиғини ўтказишяпти.

Ушбу йиғин 24 декабрга қадар давом этиб, февраль ойида Қозоғистонда ўтказилиши режалаштирилаётган Осиё чемпионатига тайёргарлик босқич вазифасини ўтаб бермоқда. Куни икки маҳалдан ўтказилаётган машғулотларда терма жамоамизнинг биринчи ва иккинчи рақамли курашчилари иштирок этишяпти.

Таркибдан Рио-2016 Олимпиадаси совриндори Ихтиёр Наврўзов, жаҳон чемпионати совриндори, Осиё ўйинларининг икки карра ғолиби Бекзод Абдураҳмонов сингари тажрибали эркин курашчиларимиз бор.

Рашид Қурбонов айни кунларда Сербияда ўтказилаётган шахсий ҳисобдаги жаҳон Кубогида юртимиз шарафини ҳимоя қиляпти. Иляс Бекбулатов, Иса Шапиев, Магомед Ибрагимов каби тажрибали курашчиларимиз эса Кабардино-Балкарияда терма жамоамизнинг маслаҳатчи мураббийи Али Аҳмедов бошчилигида машғулот ўтказишмоқда.