21 мар 18:02
Янгиликлар

Спорт курашлари

Эркин курашчиларимизнинг "Янгиобод"даги машғулоти якунланди

Олим Ҳикматов бош мураббийлигидаги эркин кураш бўйича Ўзбекистон терма жамоасининг ўқув-машғулот йиғини ниҳоясига етди.

Курашчиларимиз икки ҳафта мобайнида Тошкент вилоятининг Ангрен шаҳарчасида жойлашган "Янгиобод" базасида машғулот ўтказишди. Ушбу йиғин 9-11 апрель кунлари Қозоғистоннинг Алмати шаҳрида ўтказиладиган Токио Олимпиадаси учун Осиё лицензион турнирига тайёргарлик босқич вазифасини ўтаб берди. Энди эркин кураш терма жамоамиз 28 март кунидан пойтахтимиздаги "Динамо" спорт мажмуасида машғулотларга киришади.

Маълумот учун, Токио Олимпиадасига йўлланмаларни тақдим этувчи сўнгги лицензион мусобақа эса 6-9 май кунлари Болгария пойтахти София шаҳрида ўтказилади. Жаҳон лицензион турнирида барча қитъа курашчилари сўнгги имкониятдан фойдаланади.