29 июл 21:02
Янгиликлар

Спорт курашлари

Эркин ва юнон-рум курашчиларимиз Токиога жўнаб кетишяпти + ФОТО

Айни мана шу дақиқаларда эркин ва юнон-рум кураши бўйича Ўзбекистон терма жамоаси Токио-2020 Олимпиадасида юртимиз шарафини ҳимоя қилиш мақсадида Ислом Каримов номидаги Тошкент халқаро аэропортидан Сеул шаҳрига йўл оляпти.

Делегациямиз айнан Жанубий Корея орқали Япония пойтахтига етиб боришади. Уларни "Динамо" спорт жамиятидан ассоциация раҳбарияти кузатиб қўйди. Фахрийларимиз оқ йўл тилаб, дуо беришди.

Спорт курашчиларимизнинг Олимпиададаги иштирокини 1 август куни юнон-рум кураши вакиллари бошлаб беришади. Мусобақанинг биринчи куни Елмурат Тасмурадов ва Мўминжон Абдуллаев Олимпиада медаллари учун гиламга чиқишади.

Эслатиб ўтамиз, эркин курашчиларимиздан Ғуломжон Абдуллаев, Бекзод Абдураҳмонов, Жавраил Шапиев ва Магомед Ибрагимов, классикларимиздан эса Елмурат Тасмурадов, Жалгасбай Бердимуратов, Рустам Ассакалов ҳамда Мўминжон Абдуллаев Токио-2020 Олимпиадаси медаллари учун баҳсларга киришадилар.