Эрон терма жамоаси бош мураббийи ортиқ ишламоқчи эмас

Бу ҳақида 62 ёшли мутахассис ижтимоий тармоқдаги саҳифаларида хабар берди, шунингдек, Эрон спорт курашлари федерацияси президенти Алиризо Дабирни телефон мулоқотида огоҳлантирди. 

Бош мураббийнинг бундай кескин қарорга келишига санитария хизматининг терма жамоа машғулотига тақиқ қўйгани ва бу ҳолатга федерация ўз муносабатини билдирмагани сабаб бўлмоқда. 

Муҳаммад Бананинг айтишича, ҳатто мураккаб эпидемиологик вазиятда ҳам ўқув-машғулот йиғинини ташкил этиш учун имкон топса бўлади. Бош мураббийнинг истеъфоси қабул қилинмади. 

Маълумот учун, спортчилик даврида жаҳон чемпионатининг кумуш медали совриндори бўлган Муҳаммад Бана Эрон тарихидаги энг омадли мураббийлардан ҳисобланади. Унинг мураббийлигидаги эронлик "классик"лар Лондон-2012 Олимпиадасида 3 та олтин медални қўлга киритган.