Эронда мамлакат чемпионатини ўтказишга тайёргарлик кўриляпти

Бир ойдан сўнг клублар ўртасидаги Эрон чемпионати старт олади. Ушбу мусобақада эркин кураш бўйича Эроннинг саккизта жамоаси иштирок этади. Айни пайтда клублар таркибни шакллантириш бўйича иш олиб боришяпти. 

Тасдиқланган регламентга кўра, ҳар бир жамоа таркибига кўпи билан икки легионер ҳамда уч нафардан ортиқ Эрон терма жамоаси аъзосини қўшиб ололмайди. Клублар Озарбайжон ва грузиялик эркин курашчилар билан музокараларни бошлаб юборишган. Эрон клубларига россиялик легионерларни олиб келишдан кўра Озарбайжон ва Грузия курашчилари арзонроқ тушади. 

Эрондаги эпидемиологик вазият ҳали барқарорлашмагани боис мусобақани мухлисларсиз ўтказишга қарор қилинган. Клублар ўртасидаги Эрон чемпионатини маҳаллий телеканал трансляция қилади.