Эртага бокс. Жангчилар вазн ўлчаш маросимига ниқобларда келишди (ФОТО+ВИДЕО)

Бугун жанг кечаси иштирокчилари вазн ўлчаш маросимида иштирок этишди. Кечанинг марказий тўқнашувида Робин Самора (15-7, 8 КО) Рамиро Бланкога (18-7-3, 10 КО) қарши жанг қилади. 

Бу боксчилар учун реванш тўқнашув бўлади. Ўтган йилги жангда Самора иккинчи раундда рақибини техник нокаут эвазига мағлуб этганди. 

Қизиғи, бугун ўтказилган вазн ўлчаш маросимида боксчилар ва ташкилотчиларнинг барчаси тиббиёт ниқобида эдилар. 

Жанг оқшомида мухлислар ҳам бўлиши кутилмоқда. Томошабинлар орасидаги масофа бир метр бўлади. Улар аренага кираётганида ҳарорат ўлчовидан ўтишади, шунингдек қўллари ва оёқ кийимлари дезинфекция қилинади.