03 сен 18:47
Янгиликлар

Бокс/ММА

Эртага Москвада WBC камари учун жанг қиладиган боксчимиз тарозига чиқди + ФОТО

Хабар берганимиздек, мағлубият нималигини билмай келаётган истеъдодли ёш боксчимиз Равшан Маҳаммаджонов эртага ёшлар (23 ёшгача бўлган боксчилар) ўртасидаги WBC чемпионлик камари учун рингга кўтарилади.

Ҳозиргина эртанги бокс оқшоми иштирокчиларини тарозидан ўтказиш маросими бўлиб ўтди. Марказий жангда рингга чиқувчи 21 ёшли Маҳаммаджонов ҳамда унинг украиналик 20 яшар рақиби Володимир Гордиенко белгиланган вазн меъёрини бажаришди. Равшан 69,350, Володимир эса 69,550 кг тош босди.

Маълумот учун, Равшан Маҳаммаджонов проф рингда 10 та жанг ўтказиб, уларнинг барчасида ғалаба қозонган. Еттита жангда рақибларини муддатидан аввал мағлуб этган. Гордиенко эса проф боксда ўтказган 9 та жангининг 8 тасида зафар қучган. Учта жангни нокаут билан якунлаган. Ҳисобида битта мағлубият бор. Эртанги чемпионлик жанги Москвадаги "Крилья Советов" спорт саройида бўлиб ўтади.