06 авг 19:30
Янгиликлар
Осиё ўйинлари
Эртага спортчиларимизни Осиё ўйинларига кузатиш маросими ва янги спорт либослари тақдимоти ташкил қилинади
Хабарингиз бор, 18 август - 2 сентябрь кунлари Индонезиянинг Жакарта ва Палембанг шаҳарларида XVIII Осиё ўйинлари бўлиб ўтади.
Шу муносабат билан эртага, 7 август куни соат 10:30да Миллий олимпия қўмитасида ушбу мусобақада иштирок этадиган спортчиларимизни расмий кузатиш маросими ташкил этилади. Унда Осиё ўйинларида қатнашадиган бир қатор етакчи спортчиларимиз, Миллий олимпия қўмитаси ва спорт федерациялари мутасаддилари иштирок этадилар.
Шунингдек, терма жамоамиз спортчиларининг Индонезиядаги ўйинларда фойдаланадиган янги экипировкалар тақдимоти ҳам ўтказилади.
Миллий олимпия қўмитаси оммавий ахборот воситалари ходимларини ушбу тадбирга таклиф этади.
Ҳавола :
Манба : olympic.uz
Фикрлар