Эшитдик-да! Ўзбекистон енгил атлетика федерациясига янги раис сайланди

Olamsport.com сайти манбаларининг хабар беришича, Ўзбекистон божхона қўмитаси раиси Акмалхўжа Мавлонов эндиликда Ўзбекистон енгил атлетика федерацияси раиси сифатида ҳам фаолият олиб боради. 

Бунгача ушбу лавозимда "Ўзбекнефтгаз" раҳбарларидан бири Баҳодир Сиддиқов ишлаб келаётганди. 

Эслатиб ўтамиз, бир неча кун олдин Ўзбекистон Республикаси Президенти Шавкат Мирзиёев спорт соҳасига бағишланган йиғилишда енгил атлетикада 48 та дастур бўлсада, сўнгги Олимпиадада бор-йўғи 5 та лицензия қўлга киритилганини танқид остига олганди.