Эшитдик-да! Шаҳрам Ғиёсов Ботир Аҳмедов билан жанг қилиши мумкин

Olamsport.com сайтига маълум бўлишича, ушбу жанг "Matchroom Boxing" компанияси томонидан Тошкентда ташкил этиладиган жанг оқшоми доирасида бўлиб ўтади. Бу албатта ҳозирча расман тасдиқланмаган. Аммо, ушбу жангни ташкил этиш юзасидан музокаралар олиб борилган.

Маълумот учун, Шаҳрам Ғиёсов ва Ботир Аҳмедов битта жамоада, "Мир Бокса" компанияси билан ҳамкорлик қилган ҳолда машғулотлар ўтказишади. Кўринишидан, компания ушбу вазнда асосий эътиборни кимга қаратиш маъқул бўлишини аниқлаб олмоқчи. Айни пайтда Ботир WBA рейтингида 5, Шаҳрам эса 6-ўринни эгаллаб турибди. 

Маълумот учун, Шаҳрам шу кунгача проф боксда 10 та жанг ўтказган ва уларнинг барчасида рақибларини мағлуб этган (8 та нокаут). Ўз вақтида Ўзбекистонда туғилган, 30 ёшли Ботир Аҳмедов эса 9 маротаба профессионал жанг ўтказган. Уларнинг 8 тасида ғалаба қозонган (7 та нокаут). 1 маротаба эса очколар эвазига имкониятни бой бериб қўйган.