24 апр 13:19
Янгиликлар

Эшкак эшиш

Эшкак эшиш спорт турлари бўйича Ўзбекистон чемпионати старт олмоқда

Ўзбекистон Байдарка ва каноэ ҳамда академик эшкак эшиш федерацияси олдинда турган нуфузли халқаро мусобақалар, жумладан Индонезиядаги XVIII Осиё ўйинларига тайёргарликни қизғин давом эттирмоқда.

Шу мақсадда, 26-30 апрель кунлари Тошкент денгизида 1999-2000 йил ва ундан кейин туғилган спортчилар ўртасида байдарка ва каноэ бўйича Ўзбекистон чемпионати ўтказилади. Ҳудди шу кунлари Самарқандда академик эшкак эшиш бўйича Ўзбекистон кубоги баҳслари ташкил қилинади. Шунингдек, 26-29 апрелда Наманган шаҳри слалом бўйича 1999-2000 йил ва ундан кейин туғилган спортчилар ўртасидаги мамлакат чемпионатига мезбонлиқ қилади.

Мазкур мусобақалар терма жамоаларимизга иқтидорли спортчиларни саралаб олишда муҳим аҳамият касб этади.

Эслатиб ўтамиз, бундан бир неча кун олдин ўсмирларимиз байдарка ва каноэ бўйича Барселонадаги жаҳон чемпионатида қатнашиб, III ёзги ўсмирлар Олимпия ўйинларига учта йўлланма қўлга киритган эдилар.