ESPN MMA бўйича йил якунларини сарҳисоб қилди. Махачев ҳеч бир номинацияда ғолиб бўлмади

Қизиғи шундаки, шу йил икки вазн тоифасида UFC чемпионига айланган Ислам Махачевга биронта номинацияда ҳам ғолиблик берилмади.  

ESPN томонидан 2025 йил натижалари:

Йилнинг энг яхши турнири — UFC 317 (қолган номинантлар: UFC 322, UFC 323, UFC 314).

Йил жанги — UFC 317 турнири доирасидаги Брэндон Ройвал - Жошуа Ван (қолган номинантлар: Диего Лопес — Жан Сильва; Мераб Двалишвили — Умар Нурмагомедов; Николас Мотта — Назим Садихов).

Эркаклар ўртасида йилнинг энг яхши жангчиси — Мераб Двалишвили (қолган номинантлар: Ислам Махачев, Жошуа Ван, Алекс Перейра, Илия Топурия).

Аёллар ўртасида йилнинг энг яхши жангчиси — Валентина Шевченко (қолган номинант: Кайла Харрисон).

Йил жангчиси — Жошуа Ван (қолган номинантлар: Майкл Моралес, Энтони Эрнандес).

Йил нокаути — UFC 313 турнири кардидаги Маурисио Руффи - Бобби Грин жангидаги оёқда айлантириб тепилган зарба (қолган номинантлар: Карлос Пратеснинг Жефф Нил устидан қозонган ғалабаси; Илия Топуриянинг Чарльз Оливейра устидан қозонган ғалабаси; Малкольм Уэллмейкернинг Крис Моутиньо устидан қозонган ғалабаси; Алекс Перейранинг реваншда Магомед Анкалаевни мағлуб этиши; Иржи Прохазканинг Халил Раунтри устидан қозонган ғалабаси).

Энг ривожланган жангчи — Пэйтон Талботт (қолган номинантлар: Маккензи Дёрн, Брендан Аллен ва Бенуа Сен-Дени).

Йилнинг энг эсда қоларли вазияти — UFC 319 турниридаги айланма ҳаракат билан тирсакдаги кетма-кет иккита нокаут (қолган номинантлар: Харрисон ва Жуллиана Пеньянинг UFC 316 турниридаги жанги; Деррик Льюиснинг Таллисон Тейшера устидан қозонган ғалабасидан кейинги интервьюси; Илия Топурия икки вазнда чемпион бўлиши; Махачев икки вазнда чемпион бўлиши; Яннинг Двалишвилини мағлубиятга учратиши.