ESPN мутахассиси: "Бетербиев Биволни нокаут қилади"

Таниқли телебошловчи ва ESPN эксперти Стивен Эй Смит яримоғир вазнда WBC, WBО ва IBF йўналишлари чемпиони Артур Бетербиевни (18-0) ҳамюрти, ҳозирда мазкур вазнда WBА Super камари соҳиби Дмитрий Бивол (21-0) билан эҳтимолий жангда фаворит деб ҳисоблашини айтди.

"Бивол? Мана, мен сизга айтаман. Бетербиев уни нокаут қилади. Рости, мен шундай деб ўйлайман. Артур панчер бўлганигина учун эмас, у доимо олдинга интилади, рақибини таъқиб қилади ва уни рингда кесиб ташлайди. Ундан шунчаки қочиб кетиш қийин", - деди Смит.

Артур Бетербиев сўнгги бор 18 май куни АҚШ вакили кичик Жо Смит (28-3-0)га қарши рингга кўтарилиб, рақибини иккинчи раундда техник нокаут эвазига мағлубиятга учратган эди. Бивол эса оҳирги жангини 5 ноябрь куни мексикалик Хильберто Рамирес (44-0)га қарши ўтказиб, ҳакамларнинг қарори билан ғалаба қозонганди.