Esports World Cup Chess. Синдаров 1,5 млн долларлик мусобақанинг саралашини муваффақиятли бошлади

Esports World Cup Chess турнирининг асосий иштирокчилари, яъни турнирда тўғридан-тўғри қатнашувчи шахматчилар номи аллақачон маълум бўлиб улгурган. Яна тўрт нафар қатнашчи икки босқичдан иборат саралаш ўйинлари орқали асосий босқичга чиқиш учун кураш олиб боришяпти.    

EWC Chess – Last Chance Qualifier формати 4 та алоҳида гуруҳда 9 турдан иборат швейцарча тизимда ўтказилди. Гуруҳларда кучли тўртликдан ўрин олган шахматчилар плей‑оффга йўл олишди. Ушбу саралаш босқичида ҳамюртларимиздан Жавоҳир Синдаров ва Нодирбек Якуббоев ҳам ўз омадии синаб кўрмоқда. 

Афсуски, Якуббоев 5 очко билан ўз гуруҳида 5-ўринни эгаллаб, ҳал қилувчи плей-офф босқичига йўлланмани қўлга кирита олмади. Синдаров эса биринчи саралаш босқичини муваффақиятли якунлади. Кучли гроссмейстерлар жам бўлган С гуруҳида 5,5 очко билан қўшимча кўрсаткичларга кўра 3-ўринни эгаллади ва плей-оффга йўл олди. 

Маълумот учун, Esports World Cup Chess турнирида Нодирбек Абдусатторов тўғридан-тўғри асосий баҳсларда иштирок этади.