Етти нафар оғир атлетикачимиз допинг сабаб 4 йилга четлатилди

Аниқроғи, Мансур Алмуродов (73 кг), Шахмердан Кемалов (+109 кг), Ҳаётбек Зокиров (96 кг), Маҳмудбек Юсупов (+109 кг), Ҳикматулло Фазлиддинов (81 кг), Фозилбек Жуманазаров (96 кг), Худоёр Мелиқўзиев (67 кг)ларга 4 йиллик дисквалификация жазоси тайинланди. 

Барча спортчилар 2020 йил 15 октябрь куни оғир атлетика бўйича Ўзбекистон чемпионати давомида допинг-тест топшириш учун танланган бўлиб, уларнинг допинг-синамаларида S.1 – Анаболик стероид гормонлар гуруҳига мансуб метандиенон, метастерон, тестостерон, канренон каби тақиқланган моддалар аниқланган. 

Спортчиларнинг дисквалификация муддати 2021 йил 31 мартдан бошланиб, 2025 йил 30 мартга қадар давом этади. Шунингдек, спортчиларнинг 2020 йил 15 октябрдан бошлаб олган барча медаль ва бошқа совринлари ҳамда рейтинг очколари бекор қилинади.