Евлоев Волкановскига қарши жангда UFC`нинг ноёб рекордини ўрнатиши мумкин

24 октябрь куни Абу-Дабида бўлиб ўтадиган UFC 333 турнирида мағлубиятсиз серия билан келаётган россиялик жангчи австралиялик рақибини ҳакамлар қарори билан мағлуб этса, у ташкилот тарихида лиганинг ўзида муддатидан олдин битта ҳам ғалаба қозонмаган ҳолда чемпион бўлган илк эркак жангчига айланади.

Қизиғи, дунёнинг энг кучли лигасига ўтишидан олдин Евлоев ўнта жангининг еттитасида рақибларини муддатидан олдин таслим этган эди. Аммо UFC байроғи остида унинг ўнта жанги ҳам тўлиқ давом этди ва ғалабалар кураш, тинимсиз босим ҳамда рақиб устидан назорат эвазига қўлга киритилди.

Мовсар Евлоевнинг ўзи Алекс Волкановскийга қарши жангда ташкилотдаги илк муддатидан олдинги ғалабасига эришишга ҳаракат қилишини аллақачон айтган.

Енгил вазн тоифасидаги чемпионлик жанги рақамли турнирнинг асосий воқеаси бўлади, турнирнинг cо-маin event (асосий тўқнашув олдидан) жангида эса Евлоевнинг ватандоши Петр Ян грузиялик жангчи Мераб Двалишвили билан принципиал трилогияга якун ясаб, ўзининг UFC енгил вазн тоифасидаги чемпионлик камарини ҳимоя қилади.