"Фақат у мени ожиз ҳис қилдирган" — UFC афсонаси Хабибга қарши жанг ҳақида

Енгил ва ярим енгил вазнда иштирок этган собиқ UFC жангчиси, бразилиялик Эдсон Барбоза бундан тўққиз йил олдин бўлиб ўтган ўша тарихий жангни эслади. 

"Мени чиндан ҳам ночор ҳис қилдирган ягона жангчи — бу Хабиб! Лекин у ўша пайтда энг кучли жангчи эмасди. Жангда ўзимни жуда яхши ҳимоя қилдим. Ўша жанггача партерда ҳеч ким менинг устимдан ҳукмронлик қилмаганди. Аммо эсимда, партерга тушишимиз биланоқ, ўрнимдан туришга уринганимда, у бунга йўл қўймаганди. Бошқа томонга кетиш учун қўлларимни тортиб олмоқчи бўлдим, у эса яна шу ерда эди. Унинг партерда ишлаш маҳорати шунчаки ҳайратланарли эди", - дея Барбозанинг сўзларини Х ижтимоий тармоғидаги Rad Corner MMA аккаунти келтирмоқда.