Фарангиз Бутунжаҳон этноспорт конфедерацияси томонидан "Энг яхши спортчи" дея эътироф этилди

Мазкур халқаро Этноспорт Форумида Ўзбекистон белбоғли кураш федерацияси раиси Равшан Дастиров ҳамда белбоғли кураш бўйича терма жамоа аъзоси, жаҳон чемпиони, қатор халқаро турнирлар ғолибаси Фарангиз Абдунабиева иштирок этди. 

Бутунжаҳон этноспорт конфедрацияси раҳбарияти таклифига биноан Форумда иштирок этган Равшан Дастиров йиғилиш доирасида турли мамлакатлар спорт ташкилотлари раҳбарлари билан белбоғли курашни ривожлантиришга оид ҳамкорликдаги учрашувларни ўтказди. 

Шунингдек, Форум регламентига мувофиқ, тантанали тақдирлаш маросими ҳам ташкил этилди. Унда терма жамоамиз аъзоси Фарангиз Абдунабиева Бутунжаҳон этноспорт конфедрацияси томонидан анъанавий спорт турлари томонидан "Энг яхши спортчи" номинацияси ғолиби дея эътироф этилди ва 1 000 АҚШ доллари билан мукофотланди.

Таъкидлаш жоиз, белбоғли кураш спорт тури бутунжаҳон этноспорт дастуридан ўрин олган бўлиб, Ўзбекистон белбоғли кураш федерацияси доимий ҳамкорларидан ҳисобланади.