23 июн 12:09
Янгиликлар

Теннис

Фарғона “Фьючерс”. Нигина Абдураимова ҳам ярим финалда!

Хабар берганимиздек, шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида бугун чорак финал учрашувлари ўтказиляпти. Сабина Шариповадан сўнг яна бир ҳамюртимиз Нигина Абдураимова ҳам ярим финал йўлланмасини қўлга киритди.

Мусобақада учинчи рақам остида ҳаракат қилаётган Абдураимова ҳозиргина якунига етган чорак финал баҳсида олтинчи ракетка, қозоғистонлик Камила Керимбаевани таслим этди. Бир соату 58 дақиқа давом этган учрашувда Нигина 6:3, 6:4 ҳисобида зафар қучди.