Фарғонадаги спорт заллар ҳам шифохонага айлантирилди​

Жумладан, Фарғона вилоятида ҳам мазкур касаллик билан оғриган беморлар учун жорий йилнинг 1 август ҳолатига кўра 12 600 та захира жой тайёрланиши режалаштирилган эди ва мақсадга эришилди.

Бунинг учун вилоятдаги хусусий шифохоналар ҳамда 14 та катта спорт залларда ҳам қайта мослаштириш ишлари олиб борилди.

Жумладан, Фарғона, Марғилон ҳамда Қўқон шаҳарларидаги спорт таълим муассасаларининг мавжуд спорт залларида шу кунга қадар коронавирус ташхиси қўйилган беморлар учун жами 805 нафар фуқароларга тиббий хизмат кўрсатиш мақсадида даволаниш жойлари тайёрланди.

Беморларга шарт-шароитлар яратиш мақсадида спорт заллар хона-хоналарга бўлиниб, ҳар бир хонага санитария эҳтиёж анжомлари ва тиббий жиҳозлар ўрнатилмоқда. Хусусан, 500 дан ортиқ кислород концентраторлари ва ИВЛ аппаратлари олиб келинди.