Фаррух Қиличев: Санжар Турсуновни чемпионатга тайёрлашда рақиб эмас, ортиқча вазн билан курашдик

"Ўзбекистон чемпионатида 10 нафар ўғил бола ва 1 нафар қиз бола шогирдим билан иштирок этдик. Чемпионатдан аввал пандемия давридаги узоқ танаффус туфайли мусобақани қийин ўтади деб ўйлаган эдим. Лекин ҳаммаси кўнгилдагидек бўлди. 5 нафар шогирдим финалга қадар етиб келди. Улардан 2 таси чемпионликни қўлга киритган бўлса, 2 нафари кумуш медалга сазовор бўлди. -52 кг вазнда қизимиз Феруза Казакова ҳам кумуш медалга лойиқ деб топилди. 

Чемпионат давомида энг ёрқин жанг кўрсатган шогирдим сифатида Рўзметовни эътироф этаман. Дилшод ҳар доим рингга кўтарилганда қўрқиб турардим, чунки уни боксидан ҳамиша норози бўлганман. Биринчи марта ундан кўнглим тўлди, жангларидан қониқдим. Дилшодни ўзим учун қайта кашф қилдим. Санжар Турсуновга келадиган бўлсак, у финалда яхши жанг кўрсатди. Жанг 50х50 бўлди, лекин бу ҳаваскор бокс. Кимдир ғолиб бўлиши керак. Мадияр ҳам ўзимизнинг шогирд, кучли боксчи. Уни кейинги фаолиятига омад тилайман. Санжарни чемпионатга тайёрлаш давомида рақиб эмас, ортиқча вазн билан курашдик. Турсуновнинг ўтган йилги муваффақиятсизлигига эса қўлидаги жароҳати сабаб бўлган. Шу ўринда, қизларимизга тўхталиб ўтсам, охирги 2 йилда қизлар боксида ҳам анчагина ўсиш кузатилди. Шогирдим Феруза Казакова келажакда терма жамоадаги энг яхши аёл боксчи бўлишига ишонаман", - деди Фарруз Қиличев. 

Хуршида Абдикулова, Сарвиноз Рахмонқулова суҳбатлашди