Файзиев Анталиядаги турнирда кортга чиқди

Мукофот жамғармаси 15 000 АҚШ долларани ташкил қилувчи мусобақада мамлакатимизнинг иккинчи рақамли теннисчиси Санжар Файзиев ҳам ўз имкониятини синовдан ўтказяпти. 

Афсуски, яккалик баҳсларида учинчи рақам остида таснифланган ҳамюртимиз илк даврадаёқ мағлубият аламини тотиб кўрди. Файзиев украиналик Олег Рриходкога 6:7(6), 4:6 ҳисобида ютқазиб қўйди. 

Маълумот учун, истеъдодли теннисчиларимиз - Иброҳимжон Ўрунов ва Олимжон Набиев Анталия турнирининг саралаш баҳсларида иштирок этишганди. Лекин уларнинг ҳар иккиси ҳам илк босқичда рақибларига имкониятни бой бериб қўйишган.