11 мар 15:10
Янгиликлар

Теннис

Файзиев Нур-Султон "Челленжер" турнирида кортга чиқди

Қозоғистоннинг Нур-Султон шаҳрида теннис бўйича "Челленжер" туркумига кирувчи турнир давом этмоқда.

Соврин жамғармаси 54,160 долларни ташкил қилувчи мусобақада ўзбекистонлик теннисчилар ҳам иштирок этяпти. АҚШдан тўғри Қозоғистонга етиб келган Санжар Файзиев бундан бир неча дақиқа аввал илк давра учрашувини якунлади.

Афсуски, ATP рейтингида 506-поғонадан жой олган ҳамюртимиз дунёнинг 209-ракеткаси, украиналик Илья Марченкога 1:6, 4:6 ҳисобида имкониятни бой бериб қўйди. Учрашув 76 дақиқа давом этган. Файзиев биринчи даврадаги иштирокидан 260 доллар ишлаб олди.