Фазлиддин Эркинбоев - Жаҳон чемпиони!

Чемпионатнинг финал беллашувлари старт олди. 

Мусобақада -75 кг вазн тоифасида юртимиз шарафини ҳимоя қилаётган Фазлиддин Эркинбоев финал жангини Болгария вакили Рами Киванга қарши ўтказди. 

Тўлиқ 3 раунд давом этган жангда Фазлиддин устунликка эришди ва 5:0 ҳисобида ғалабага эришиб, олтин медалга сазовор бўлди. 

Бу Ўзбекистон терма жамоасининг Ливерпулдаги ЖЧда қўлга киритган илк олтин медали бўлди. 

Маълумот учун, Фазлиддин Эркинбоев мусобақа давомида Туркия ва Бельгия, шунингдек Озарбайжон шарафини ҳимоя қилаётган Саиджамшид Жафаровни мағлубиятга учратиб, финалга қадар етиб келганди. 

Эслатиб ўтамиз, Ўзбекистон терма жамоасининг умумий ҳисобда 8 нафар боксчиси ЖЧ финалига йўл олди. Эртага, мусобақанинг сўнгги кунида яна 7 нафар боксчимиз ЖЧ олтин медали учун рингга кўтарилади.